حلقہ ایل ٹو میرپور میں ایسر چکسواری کے افراد کی بڑی تعداد نے مسلم لیگ ن میں شمولیت اختیار کر لی،،،اس تقریب کا انعقاد رکن مجلس عاملہ مسلم لیگ ن آزاد کشمیر چوہدری محبوب اصغر کی طرف سے کیا گیا جبکہ مہمان خصوصی مسلم لیگ ن آزاد کشمیر کے رہنما اور وزیر اعظم آزاد کشمیر کے خصوصی مشیر کرنل ریٹائرڈ محمد معروف اور مرکزی نائب صدر شعبہ خواتین مسلم لیگ ن آزاد جموں و کشمیر مریم ادریس نےخصو صی شرکت کی ۔۔
وزیر اعظم آزاد کشمیر کے خصوصی مشیر کرنل ریٹائرڈ محمد معروف کا اپنے خطاب میں کہنا تھا کہ کچھ لوگ پروپیگنڈا کر رہے تھے کہ حلقہ ایل اے ٹو میں ن لیگ کا خاتمہ ہو گیا ہے وہ آج آنکھیں کھولیں اور دیکھیں آگے کیا ہوتا ہے ، انشاء اللہ حلقہ ایل اے ٹو مسلم لیگ ن کا قلعہ ثابت ہو گا ۔
مجلس عاملہ کے رکن چوہدری محبوب اصغر کا اپنے خطاب میں کہنا تھا کہ موجودہ نمائندے نے عوام کو مایوس کیا صرف دعوے کیے عملی اقدامات نا ہونے کے برابر ہیں ، انشاء اللہ آنے والے الیکشن میں جیت ن لیگ کی ہو گی ،
ہے۔
مرکزی نائب صدر شعبہ خواتین مسلم لیگ ن آزاد جموں و کشمیر مریم ادریس کا اپنے خطاب میں کہنا تھا کہ چوہدری محبوب اصغر صاحب کی کاوشیں لائق تحسین ہیں ن لیگ میں شمولیت کرنے والے افراد کو ویلکم کرتی ہوں ، آج کل آزاد جموں و کشمیر کی سیاست میں ایک ہلچل مچی ہوئی ہے ،انتخابات سے قبل ہی گہما گہمی نظر آنے لگ گئی ہے
، کسی پارٹی کے پاس امیدوار نہیں تو کسی پارٹی کے آپس کے اختلافات ختم نہیں ہوتے۔
الحمد للّٰہ مسلم لیگ ن آزاد جموں و کشمیر صدر شاہ غلام قادر صاحب کی قیادت میں متحد ہے اور آئندہ انتخابات کی تیاریاں شروع کر رکھی ہیں ۔
مخالف جماعتوں نے اپنی شکست دیکھتے ہوئے ابھی سے ہی دھاندلی کا رونا شروع کر دیا ہے ،وفاق میں جناب وزیراعظم محمد شہباز شریف صاحب کی قیادت میں ملک کو جہاں دیوالیہ ہونے سے بچایا وہیں بہترین حکمت اور فیصلوں سے معیشت بہتری کی طرف گامزن ہے،مہنگائی کم ،روزگار کے مواقع بڑھے سرمایہ کار پاکستان آ رہا ہے ،
،پنجاب میں وزیر اعلیٰ محترمہ مریم نواز شریف صاحبہ اپنی ٹیم کے ساتھ عوام کو ریلیف دینے کے ساتھ ساتھ،تعلیم ،صحت ،زراعت،
آئی ٹی سمیت دیگر شعبوں میں سہولیات فراہم کر رہی ہیں
درجنوں پروجیکٹ دے چکی ہیں ،انشاء اللہ آنے والے انتخابات میں مسلم لیگ ن بھرپور کامیابی حاصل کر کے عوامی خدمت کا یہ سفر آزاد کشمیر میں بھی آگے لیکر بڑھے گی اور وہ تمام پروجیکٹ اور کام جو وفاق یا پنجاب میں ہو رہے ہیں وہ آزاد جموں و کشمیر میں لائیں گے ،اب ہم سب کو متحرک ہو کر اپنے اپنے حلقوں میں کردار ادا کرنا ہو گا اور تمام تر اختلافات کو بھلا کر جماعت کی مضبوطی اور اہداف کے حصول کے لیے متحد ہو کر آگے بڑھنا ہو گا انشاء اللہ کامیابی ہمارا مقدر ہو گی ۔
میں نے بحیثیت کارکن اور شعبہ خواتین کی مرکزی نائب صدر حلقہ ایل اے ٹو میں خواتین ونگ کو مزید مضبوط کرنے اور تنظیم سازی کے حوالے سے کام شروع کر دیا ہے تاکہ زیادہ سے زیادہ خواتین ن لیگ کے قافلے کا حصہ بننے کے ساتھ ساتھ الیکشن کمپین میں اپنا بھرپور حصہ ڈالیں ،کیونکہ خواتین ہمارے معاشرے کا ایک بڑا حصہ ہیں اور ان کو آگاہی دینا بہت ضروری ہے،ہمیں اپنے حلقوں اور علاقوں کے اندر خواتین ونگز کو مضبوط کرنا ہے جو وقت کی اشد ضرورت ہے ، انہیں پولنگ کے مراحل،مانیٹرنگ کرنے، پارٹی کمپین سمیت مختلف امور بارے آگاہی بہت ضروری ہے اس کے ساتھ اپنے حلقے میں یوتھ کو بھی مزید متحرک کرنے کے حوالے سے کام کر رہی ہوں ،پچھلے دنوں میری دعوت پہ یوتھ ونگ کے مرکزی صدر ،سیکریٹری ،سمیت دیگر عہدیداران حلقے میں تشریف لائے اور یوتھ ونگ کی تنظیم سازی پر زور دیا ،،،میں سمجھتی ہوں اہداف کی تکمیل کے لئے سب کو ملکر جدو جہد کرنا ہو گی ،ہم سب نے ملکر مسلم لیگ ن کا منشور اور قیادت کا پیغام فرد فرد گلی گلی اور گھر گھر تک پہنچانا ہے اور اس حوالے سے سوشل میڈیا ہمارے پاس سب سے بڑا ہتھیار موجود ہے اور ہمیں اسکا بھرپور استعمال کرنا چاہیے اور اپنی پارٹی لیڈر شپ کی گائیڈ لائن کے مطابق کام کرنا چاہیے ،ہم سب نے ملکر نا صرف پلاک یا میرپور بلکہ پورے آزاد کشمیر میں زیادہ سے زیادہ اپنے تمام ونگز کو منظم اور متحرک کرنا ہے تاکہ انتخابات میں بہترین ٹیم اور حکمت عملی کے ذریعے نمایاں کامیابیاں حاصل کی جا سکیں ،،،پارٹی آزاد کشمیر میں شاہ غلام قادر صاحب اور سئنیر لیڈر شپ کی قیادت میں بہترین کام کر رہی ہے۔
انشاء اللہ ناصر ف حلقہ ایل ٹو میرپور ڈویژن کی تمام سیٹیں جیت کر قائد میاں محمد نواز شریف کو تحفہ دیں گے بلکہ ن لیگ حکومت بنائے گی ۔