میر پور آزاد جموں و کشمیر
مسلم لیگ ن کے سیکریٹریٹ
میں شعبہ خواتین کی طرف سے یوم آزادی اور معرکہ حق کی فتح پر تقریب کا انعقاد کیا گیا جس میں مسلم لیگ ن آزاد جموں و کشمیر کے مرکزی نائب صدر چوہدری محمد سعید اور شعبہ خواتین کی مرکزی نائب صدر مریم ادریس نے خصوصی شرکت کی، میرپور سٹی کی صدر بے نظیر بٹ،جنرل سیکریٹری امتیاز کوثر،سینئر نائب صدرشازیہ کوثر، شعبہ خواتین کی مرکزی و ضلعی عہدیداران و رہنمابھی موجودتھی ۔مرکزی سیکریٹری اطلاعات میمونہ شاہ، مرکزی جوائنٹ سیکریٹری بلقیس صابر ، مرکزی جوائنٹ سیکریٹری نعیم النساء ،ضلعی صدر ارشاد ادریس،ضلعی سیکریٹری اطلاعات عشرت میر سمیت دیگرخواتین کارکنان کی بڑی تعداد نے بھی شرکت کی ،تقریب سے خطاب کرتے ہوئے مرکزی نائب صدر شعبہ خواتین مسلم لیگ ن آزاد جموں و کشمیر مریم ادریس نے کہا چودہ اگست یوم آزادی پاکستان کا دن ہے ،پوری قوم کو مبارکباد۔پاکستان ہمارے آباؤاجداد کی بہت سی قربانیوں اور جہدوجہد کے بعد حاصل کیا گیا ۔ویسے تو ہر سال چودہ اگست مناتے ہیں لیکن اس دفعہ یہ یوم آزادی منفرد ہے وہ آپ سب جانتے ہیں کہ جیسے ہماری پاک افواج نے حال ہی میں معرکہ حق میں بھارت کو منہ توڑ جواب دیکر ذلت آمیز شکست دی وہ تاریخ میں یاد رکھی جائے گی ،میں فیلڈ مارشل عاصم منیر اپنی مسلح افواج کی قیادت کو سلام اور خراج تحسین پیش کرنا چاہتی ہوں جنہوں نے دشمن کو دندان شکن جواب دیکر قوم کا سر فخر سے بلند کر دیا میں یہاں پاکستان کو ایٹمی قوت بنانے میں شہید ذوالفقار علی بھٹو ،ڈاکٹر عبد القدیر خان سمیت جتنی شخصیات نے اپنا کردار ادا کیا انکو خراج تحسین پیش کرتی ہوں اور اٹھائیس مئی کو جس طرح میرے قائد میاں محمد نواز شریف نے تمام تر دباؤ اور آفرز کو مسترد کرتے ہوئے ایٹمی دھماکے کر کے دنیا کو یہ پیغام دیا کہ ہم اپنے وطن کی بقا کی خاطر ہر قربانی دینے کے لیے تیار ہیں تاریخ میں ہمیشہ یاد رہیگا۔میں سمجھتی ہوں معرکہ حق کے بعد تحریک آزادی کشمیر کو بھی ایک نئی جہت ملی ہے ،امریکہ سمیت عالمی برادری بول پڑی اور پاکستان کا موقف نہ صرف سنا بلکہ تائید بھی کی اس پر صدر مملکت آصف علی زرداری،وزیر اعظم محمد شہباز شریف، قائد میاں محمد نواز شریف،نائب وزیراعظم وزیر خارجہ اسحاق ڈار،بلاول بھٹو زرداری سمیت پوری قومی وسیاسی قیادت کو بھی خراج تحسین پیش کرتی ہوں کہ جنہوں نے بہترین حکمت عملی کے ذریعے سفارتی محاذ پر مودی سرکار کو ناک آؤٹ کر دیا ، بھارت آج تک کسی فورم پر پہلگام واقعہ کے ثبوت پیش نا کر سکا جس کی وجہ سے وہ عالمی برداری کا اعتماد کھو رہا ہے ،ٹرمپ پاکستان اور بھارت کے درمیان ثالثی کرانے کے لیے کوشاں ہیں پاکستان نے اسے ویلکم کیا لیکن بھارت وہی ماضی کی طرح اپنے جھوٹ کو چھپانے اور خفت سے بچنے کے لیے چالاکیاں دیکھا رہا اور ہر میدان سے بھاگ جاتا ہے ،پاکستان نے عالمی برادری پر واضح کر دیا کہ اب جب بھی بات ہو گی پہلے مسئلہ کشمیر اور کشمیریوں کے حق خودارادیت کی بات ہو گی ،پھر کوئی اور بات ہو گی ، کشمیریوں اور پاکستانیوں کے دل ایک ساتھ دھڑکتے ہیں ،کشمیر کی آزادی کے بغیر تکمیل پاکستان نا مکمل ہے ۔میں سمجھتی ہوں مستحکم اور مضبوط پاکستان ہی کشمیری عوام کی آزادی کا ضامن ہے ۔انہوں نے بھارت کو پیغام دیتے ہوئے کہا مودی سن لو پوری پاکستانی قوم اپنی پاک افواج کے ساتھ شانہ بشانہ کھڑی ہے تم نے دوبارہ حملے کی حماقت کی تو اب پہلے سے بھی زیادہ تگڑا جواب ملے گا ۔
پاکستان ذندہ باد 
پاک فوج زندہ باد 
کشمیر پائندہ باد
